У Смаргоні не спыняюцца правакацыі супраць Ірыны Вештарт.

Ірына Вештарт кажа, што сёньня прыкладна а палове на другую яна прачнулая ад звону шкла.

Са слоў спадарыні Вештарт, уваходныя дзьверы ў кватэру ёй замалявалі чорнай фарбай з балёнчыка. Прыкладна а 16.30 яна прыйшла дамоў – яшчэ нічога не было, а 17.00 да яе пазваніла суседка, якая ўбачыла, што дзьверы размаляваныя.

Як сёньня стала вядома, старшыню Смаргонскай суполкі Моладзі БНФ тэрмінова забіраюць у войска. Сам старшыня лічыць, што гэта нішто іншае, як палітычны прызыў, бо яшчэ месяц таму ў ваенкамаце яму паведамілі, што ніводны камандзір частак не жадае браць "такіх" да сябе. Толькі ў тым выпадку, калі пойдзе загад зьверху, яго забяруць. Напэўна гэты загад паступіў...