“Халадэча ў вас тут аднак. Нягледзячы на танны газ ”, - апранаючы паўгадзіны таму скінуты плашч, дзівіўся Аляксандр Казулін. У актавай зале Райспажыўтаварыства, дзе 4 сакавіка адбылася сустрэча кандыдата ў прэзідэнты РБ з выбаршчыкамі, насамрэч было няцёпла, хаця людзей сабралася больш за тую колькасць, на якую разлічана памяшканне.

Дзюдо
Шэсць прызавых месцаў заваявалі выхаванцы смаргонскай СДЮШАР №1 на міжнародным турніры сярод юніёраў да 20 гадоў, які адбыўся 17-19 лютага ў Магілёве.
Аляксандр Вахавяк стаў пераможцам. Сярэбранымі прызёрамі сталі Аляксандр Сташкевіч, Лідзія Андронава і Кацярына радзевіч. Трэція месцы занялі Таццяна Серык і Руслан Грышкевіч.

У вёсцы Выгаляненты Вішнеўскага сельсавета на пажары ў ноч з 17 на 18 лютага загінуў 32-гадовы мужчына. Па словах суседзяў, ён у гэты дзень у сваёй хаце выпіваў разам са знаёмымі. Прычыны пажару высвятляюцца.

На абласной музычна-тэарэтычнай алімпіядзе Смаргонскую школу мастацтваў будуць прадстаўляць Наталля Шумская, Ганна Тарнацкая, Святлана Крайняя, Сяргей Вагера. Яны былі лепшымі на унутрышкольнай адборачнай алімпіядзе, якая прайшла 15 лютага.