У другой палове дня лідэр Руху "За Свабоду" Аляксандар Мілінкевіч сустрэнецца з грамадзкімі актывістамі Смаргоні.

Адміністрацыйны пратакол на Уладзімера Шульжыцкага сёньня ў 14.30 будзе разглядаць новы судзьдзя — Аляксандар Квяткевіч. 26 красавіка Шульжыцкі выказаў недавер судзьдзі Мікалаю Шэлегу, таму разбор справы адклалі.

Радыё Свабода ўжо паведамляла пра Ўладзімера Шульжыцкага — грамадзкага актывіста са Смаргоні, якога прыцягнулі да суду за тое, што ён распаўсюджваў самаробныя ўлёткі з указаньнем хваляў Радыё Свабода. Судовую справу пры гэтым завялі паводле звыклага для апазыцыянэраў абвінавачаньня ў лаянцы. Учора, наўпрост з судовай залі, 18‑гадовы Ўладзімер выправіўся ў Менск на «Чарнобыльскі шлях». Зь ім сустрэўся й пагаварыў Ігар Карней.

Сёння ў Смаргоні адбудзецца суд над мясцовым грамадскім актывістам за распаўсюд абвестак з эфірнымі каардынатамі недзяржаўнай радыёстанцыі “Радыё “Свабода”.