Праект “Успамін пра Дабраўляны” прысвечаны 200-годдзю з дня нараджэння Казіміра Бахматовіча. Гэта - вяртанне з забыцця імя беларускага графіка першай паловы ХІХ стагоддзя, а разам з ім- малой радзімы мастака. Мэта праекту – папулярызацыя нацыянальнай культурна-гістарычнай спадчыны, выхаванне патрыятычных пачуццяў беларусаў, далучэнне творчай моладзі да вырашэння сацыяльна-значных тэм мастацтва.
Арганізатарамі сумеснага праекту выступілі Беларускі саюз мастакоў і Беларускі дзяржаўны універсітэт культуры і мастацтваў. У праекце ўзялі ўдзел мастакі: Мікалай Аўчыннікаў, Рыгор Мяжуеў, Вячаслаў Паўлавец, Уладзімір Рынкевіч, Яўген Шатохін, а таксама сябры маладзёжнага творчага аб’яднання “Прасвет”. Кіраўнік праекту – У.Рынкевіч, арганізацыйныя пытанні паспяхова вырашала дырэктар Лылойцінскага ЦДК Галіна Флікоп. Інфармацыйную і арганізацыйна-тэхнічную падтрымку аказалі рэдакцыя часопіса “Роднае слова” і аддзел культуры Смаргонскага райвыканкама.
Цэнтральнай падзеяй праекту з’явіўся пленэр на малой радзіме мастака ў вёсцы Дабраўляны, што на Смаргоншчыне (14-20 ліпеня 2008 года). Тут адбылася першая імправізаваная выстава эцюдаў для жыхароў вёскі. Выстава па выніках пленэру праходзіла на працягу наступных двух месяцаў ў Смаргонскім раённым доме культуры.
Выніковым мерапрыемствам праекту з’яўляюцца выстава-прэзентацыя “Успамін пра Дабраўляны” ў галерэі “Універсітэт культуры” з удзелам мастакоў і мастацтвазнаўцаў (20 лістапада 2008 года). Прадстаўленыя ў экспазіцыі творы – гэта пераасэнсаваныя, па-мастацку ўвасобленыя ўражанні ад сутыкнення з творчай спадчынай выдатнага беларускага мініяцюрыста і тымі цудоўнымі мясцінамі, дзе некалі была не толькі перадавая гаспадарка, але і нацыянальны навуковы і культурны асяродак.
Прэзентацыя выставы адбудзецца 20 лістапада а 17-й гадзіне.
Наш адрас: мастацкая галерэя “Універсітэт культуры”, Кастрычніцкая пл., 1 (Палац Рэспублікі).
Мы працуем: 11.00 – 19.00, выхадныя: нядзеля, панядзелак, тэл.: 227-26-12
Арганізатарамі сумеснага праекту выступілі Беларускі саюз мастакоў і Беларускі дзяржаўны універсітэт культуры і мастацтваў. У праекце ўзялі ўдзел мастакі: Мікалай Аўчыннікаў, Рыгор Мяжуеў, Вячаслаў Паўлавец, Уладзімір Рынкевіч, Яўген Шатохін, а таксама сябры маладзёжнага творчага аб’яднання “Прасвет”. Кіраўнік праекту – У.Рынкевіч, арганізацыйныя пытанні паспяхова вырашала дырэктар Лылойцінскага ЦДК Галіна Флікоп. Інфармацыйную і арганізацыйна-тэхнічную падтрымку аказалі рэдакцыя часопіса “Роднае слова” і аддзел культуры Смаргонскага райвыканкама.
Цэнтральнай падзеяй праекту з’явіўся пленэр на малой радзіме мастака ў вёсцы Дабраўляны, што на Смаргоншчыне (14-20 ліпеня 2008 года). Тут адбылася першая імправізаваная выстава эцюдаў для жыхароў вёскі. Выстава па выніках пленэру праходзіла на працягу наступных двух месяцаў ў Смаргонскім раённым доме культуры.
Выніковым мерапрыемствам праекту з’яўляюцца выстава-прэзентацыя “Успамін пра Дабраўляны” ў галерэі “Універсітэт культуры” з удзелам мастакоў і мастацтвазнаўцаў (20 лістапада 2008 года). Прадстаўленыя ў экспазіцыі творы – гэта пераасэнсаваныя, па-мастацку ўвасобленыя ўражанні ад сутыкнення з творчай спадчынай выдатнага беларускага мініяцюрыста і тымі цудоўнымі мясцінамі, дзе некалі была не толькі перадавая гаспадарка, але і нацыянальны навуковы і культурны асяродак.
Прэзентацыя выставы адбудзецца 20 лістапада а 17-й гадзіне.
Наш адрас: мастацкая галерэя “Універсітэт культуры”, Кастрычніцкая пл., 1 (Палац Рэспублікі).
Мы працуем: 11.00 – 19.00, выхадныя: нядзеля, панядзелак, тэл.: 227-26-12